Erməni təxribatçıları tvitter və teleqram sosial şəbəkələrində Azərbaycan Prezidentinin köməkçisi Hikmət Hacıyevin adına saxta profil yaradıb.
Modern.az xəbər verir ki, bu barədə Hikmət Hacıyev özünün tvitter hesabında məlumat paylaşıb.
O bildirib ki, ermənilər onun adına yaratdıqları saxta profillə Ermənistanın Xarici İşlər Nazirliyinin tvitter səhifəsində şərh yazıblar.
"Hörmətli izləyicilər! Mənim adıma twitter-də @hikmet_hajiyev və teleqram kanalında Hikmet Hajiyev kimi ünvanlar yaradılmışdır. Bundan əvvəl Instagram və Facebook-da belə saxta profillər yaradılmışdı. Mənim yalnız Twitter-də @HikmetHajiyev adlı hesabım vardır", - deyə Hikmət Hacıyev bildirib.
T.İSMAYIL
