Çempionlar Liqasınının qrup mərhələsi çərçivəsində daha bir neçə oyun keçirilib.
Modern.az xəbər verir ki, A qrupunda turnirin son qalibi “Bavariya” “Zalsburq”un qonağı olub. Qarşılaşma qonaqların 6:2 hesablı qələbəsi ilə başa çatıb.
B qrupunda son pillədə qərarlaşan “Real Madrid” isə doğma meydanda “İnter”i qəbul edib. Qarşılaşmada Madrid klubunin çətin qələbəsi ilə yekunlaşıb - 3:2.
C qrupunda “Mançester Siti” doğma meydanda Yunanıstanın “Olimpiakos” klubunu qəbul edib və 3:0 hesabı ilə qələbə qazanıb.
Eyni qrupda yer alan “Porto” və “Marsel” klubları arasındakı qarşılaşmada da eyni hesab qeydə alınıb. Portuqaliya təmsilçisi rəqibinə aman verməyib - 3:0.
D qrupunda “Ayaks” Danimarkada “Midtülland” klubuna qalib gəlib - 2:1.
Qrupun digər oyununda İngiltərənin “Liverpul” klubu İtaliyada “Atalanta”nı darmadağın edib - 5:0.
