Dağlıq Qarabağdakı qondarma rejim İşğal bölgəsindən Ermənistana qaçan “məmurlar”ın səfərbərlikdən yayınma və casusluq etmə hallarına görə işdən çıxarıldığını bildirib. Bəs Qarabağdakı bu fərarilik nəyin göstəricisidir?
Mövzu ilə bağlı Modern.az-a açıqlamasında Vətən Müharibəsi Veteranlar Birliyinin sədri Füzuli Rzaquliyev söyləyib ki, onların Azərbaycanda günahsız insanlara qarşı etdiyi terror əməlləri bütün kriminal cinayətlərin göstəricisidir:
“Bu qədər cinayətlərdən sonra belə qaçış olmalı idi. Onlar bilirlər ki, bu torpaqlar bizə məxsusdur. Şüurları olsaydı, başa düşərdilər ki, artıq 1918, 88, 91 -ci illər deyil”.
F.Rzaquliyev oğlunun da döyüşdə olduğunu, özünün də cəbhədən yenicə qayıtdığını bildirib:
“Bu günümüzə şükürlər olsun. Cənab Ali Baş Komandanın güclü siyasi iradəsi, müzəffər ordumuzun əzmi, xalqımızın birliyi və inamı sayəsində tezliklə bütün torpaqlarımızı işğaldan azad edəcəyik”.
Nəzrin Vahid
