Gəncədə yol-nəqliyyat hadisəsi baş verib.
Modern.az xəbər verir ki, hadisə şəhərin Üzeyir Hacıbəyov prospektində qeydə alınıb.
Hərəkətdə olan "VAZ 2107" markalı minik maşını "Mercedes-Benz" markalı avtomobillə toqquşub. Qəza zamanı 1961-ci il təvəllüdlü Qoşqar Əliyev xəsarət alaraq xəstəxanaya yerləşdirilib. Yaralının vəziyyətinin kafi olduğu bildirilir.
Hadisə yerinə DYP əməkdaşları cəlb olunub. Faktla bağlı araşdırma aparılır (apa).
