Tələbə Qəbulu üzrə Dövlət Komissiyası (TQDK) ad və soyadlarını dəyişən abitiriyentlərə xəbərdarlıq edib. TQDK-nın mətbuat xidmətindən Modern.az-a verilən məlumata görə, ali təhsil müəssisələrinə qəbul imtahanlarında iştirak etmək üçün sənəd verdikdən sonra soyadında və ya digər şəxsi məlumatlarında rəsmi qaydada dəyişiklik edilmiş abituriyentlər yeni sənədini TQDK-ya və ya Komissiyanın Gəncə, Naxçıvan, Şəki, Lənkəran, Quba regional bölmələrindən birinə təqdim etməklə bu barədə məlumat verməlidirlər.
Qeyd edilib ki, əks halda həmin abituriyentlərin qəbul imtahanında iştirakı mümkün olmayacaqdır.
Anar RÜSTƏMOV
