Bugün Hacıqabulda Şirvan-Muğan qrup su kəmərinin təməlqoyma mərasimi keçirilib. Modern.az xəbər verir ki, mərasimdə Azərbaycan Respublikasının Prezidenti İlham Əliyev iştirak edib. Ölkə başçısı Şirvan-Muğan qrup su kəmərinin planını və texniki göstəicilərini əks etdirən stendlərə baxıb.
Prezidentə məlumat verilib ki, Kür-Bakı su kəmərlərindən biri ilə nəql edilən su Hacıqabul, Şirvan, Salyan, Neftçala və Biləsuvar şəhərlərinin, həmçinin 121 kəndin tələbatının ödənilməsinə yönəldiləcəkdir. Şirvan-Muğan qrup su kəmərinin istismara verilməsi ilə ümumilikdə, 470 min insan keyfiyyətli və fasiləsiz su ilə təmin olunacaq. Azərbaycan Prezidenti Şirvan-Muğan qrup su kəmərinin təməlini qoyub.
