“Qarabağ” – “Sivasspor” matçı Türkiyə təmsilçisinin 3:2 hesablı qələbəsi ilə yekunlaşıb.
Modern.az xəbər verir ki, oyunda son nöqtəni isə 79-cu dəqiqədə Kone qoyub. O, özünün ikinci, komandasının üçüncü qolunu vurub.
Beləliklə, "Qarabağ" qrupdakı dördüncü matçında da məğlub olaraq, sona 2 tur qalmış 1/16 finala vəsiqə şansını itirib. Xalını 6-ya yüksəldən "Sivasspor" isə növbəti mərhələ uğrunda mübarizəsini davam etdirir.
23:31
UEFA Avropa Liqasının qrup mərhələsinin IV turunun "Qarabağ" - "Sivasspor" oyununda 4-cü qol vurulub.
Modern.az xəbər verir ki, 58-ci dəqiqədə Olarenvayu Kayode hesabı bərabərləşdirib.
23:14
UEFA Avropa Liqasının qrup mərhələsinin IV turunun "Qarabağ" - "Sivasspor" oyununda növbəti qol vurulub.
Modern.az xəbər verir ki, Uroş Matiç 51-ci dəqiqədə fərqlənməklə Azərbaycan çempionunu yenidən hesabda önə keçirib.
23:01
UEFA Avropa Liqasında qrup mərhələsinin dördüncü turu çərçivəsində keçirilən “Qarabağ”-“Sivasspor” oyununun birinci hissəsi başa çatıb.
Modern.az xəbər verir ki, komandalar fasiləyə 1:1 hesablı heç-heçə ilə yollanıblar.
Oyunda hesabı 8-ci dəqiqədə ağdamlılar açıb. Abdulla Zubir qapıçı ilə təkbətək mübarizədə qalib ayrılıb. Görüşün 40-ci dəqiqəsində hakimin şübhəli qərarından sonra “Sivasspor” penalti vurmaq şansı qazanıb. Topa yaxınlaşan Aruna Kone dəqiq olub.
22:20
UEFA Avropa Liqasında qrup mərhələsinin dördüncü turu çərçivəsində keçirilən “Qarabağ” - “Sivasspor” oyununda hesab açılıb.
Modern.az xəbər verir ki, oyunun 8-ci dəqiqəsində ağdamlıların futbolçusu Abdulla Zubir qapıçı ilə təkbətək mübarizədə qalib ayrılıb.
