Deputatın cəmi bir səhv cavabı
Cəmiyyətin üzdə olan şəxsləri Modern.az-ın testindən keçəcək. Belə ki, onlar 5 dəqiqə ərzində 10 sualı cavablandırmalıdırlar. Çalışacağıq suallar çətin olmasın...
Modern.az-ın testindən bu dəfə Böyük Quruluş Partiyasının sədri, deputat Fazil Mustafa keçdi.
1. Azərbaycanda dəbdə olan milli papaq adı hansı şəhərlə eyni addadır? (Doğru cavab: Buxara)
– Bakı.
2. Nyutonun başına hansı meyvə düşəndən sonra o, cazibə qanunu kəşf etdi? (Doğru cavab: alma)
– alma.
3. “Leyli və Məcnun”da – Leyli-Məcnun, “Romeo və Cülyetta”da – Romeo və Cülyetta, bəs “Aşıq Qərib”də? (Doğru cavab: Şahsənəm)
– Şahsənəm.
4. Azərbaycanda hansı iki nazirliyin adı ixtisarda eyni cür yazılır?
– Müdafiə Nazirliyi və Maliyyə Nazirliyi (MN)
5. Lev Tolstoyun hansı qadın qəhrəmanı qatar altına atılmaqla intihar edib? (Doğru cavab: Anna Karenina)
– Anna Karenina.
6. “Hərb və sülh” siyasi-hərbi doktrinadır, yoxsa nədir? (Doğru cavab: roman)
– roman.
7. Fransada hansı ev heyvanına Napoleon adını vermək qanunla qadağandır? (Doğru cavab: donuz)
– donuz.
8. Tədbirli adamlar hətta nəyi üfürə-üfürə içirlər? (Doğru cavab: su)
– su.
9. Məsəllərdən birində qızlar hansı ağacla eyniləşdirilir və deyilir: “Qız ağacı – ...”? (Doğru cavab: qoz)
– qoz ağacı.
10. Ehtiyatlı igidin valideynlərindən hansı biri ağlamaz? (Doğru cavab: anası)
– anası.
Sevinc İltifatqızı
