Ötən gün London Olimpiadasında boks üzrə 1/8 final mərhələsinin görüşləri keçirilib. Azərbaycanın boksçusu, 56 kq-da mübarizə aparan Məhəmməd Əbdülhəmidov da ilk döyüşünə çıxıb. O, 1/4 finala çıxmaq üçün Satoşi Şimizunu (Yaponiya) mübarizədən kənarlaşdırmalıydı. Boksçumuz ümumilikdə 22:17 hesablı qələbə ilə 1/4 finala çıxıb.
Lakin Beynəlxalq Həvəskar Boks Federasiyası (AİBA) bu gün Azərbaycan boksçusu Məhəmməd Əbdülhəmidov ilə yaponiyalı Satoşi Şimizunun London olimpiadasındakı 1/8 final görüşünün nəticələrini ləğv edib. Əvəzində Şimizuya texniki nokautla qələbə verilib
AİBA-nın rəsmi saytında qeyd edilən məlumata görə, M.Əbdülhəmidov 3-cü raundda 6 dəfə yerə yıxılıb. Qaydalara əsasən, hakimlər ən azı 3 belə halı nəzərə almalıdırlar. AİBA qaydalarına əsasən, bu zaman hakim döyüşü dayandırmalı və texniki nokaut qərarı verməlidir. Beləliklə, Yaponiya tərəfinin apelyasiyası qəbul olunub və döyüşün nəticəsi ləğv edilib.
Modern.az
