Gürcüstanda hərbi dronların istehsalına başlanıla bilər.
Modern.az xəbər verir ki, bu barədə ölkənin müdafiə naziri İrakli Qaribaşvili “İmedi” telekanalına müsahibəsində deyib.
Nazirin sözlərinə görə, “Delta” elmi-hərbi mərkəzin nəzdində olan Tbilisi aviasiya zavodunun potensialından istifadə etməmək sadəcə günahdır:
“Məhz həmin zavod və orada çalışan insanların sayəsində dronların istehsalına başlamaq mümkündür”.
İ.Qaribaşvili aviazavodun ən yüksək texnologiyalı müəssisələrdən biri olduğunu qeyd edib:
“Bazarda rəqabət böyük deyil, belə ki, bu gün uçuş aparatlarını dünyanın 20 ölkəsi istehsal edir” (report).
