Tələbə Qəbulu üzrə Dövlət Komissiyasının sədri Məleykə Abbaszadə bu gün keçirdiyi mətbuat konfransında Tibb Universitetinin rezidentura pilləsi üzrə sənəd qəbulunun tarixini açıqlayıb.
Modern.az xəbər verir ki, TQDK sədri sənəd qəbulunun avqustun 15-dən 24-dək aparılacağını qeyd edib.
M.Abbaszadənin sözlərinə görə, rezidenturaya qəbul imtahanı iki mərhələdə keçiriləcək. Birinci mərhələ sentyabrın 8-də, ikinci mərhələ isə sentyabrın 9-da olacaq. İmtahanda iştrak etmək üçün namizəd sentyabrın 5-dən 7-dək olan müddətdə öz elektron ərizəsinə daxil olaraq, imtahanın hər bir mərhələsi üçün ayrılıqda “namizədin imtahan buraxılış vərəqəsi”ni çap edib götürülməlidir.
