Modern.az xəbər verir ki, islam ölkələri rəhbərləri Suriyanı İslam Əməkdaşlıq Təşkilatına üzvlükdən çıxarmaq barədə qərar qəbul ediblər. Bu qərar Məkkədə keçirilən sammitdə qəbul olunub. Qərarın əlyehinə yalnız İran dövlətinin çıxdığı bildirilir.
Verilən məlumata görə, İslam Əməkdaşlıq Təşkilatına daxil olan 56 ölkə nümayəndəsi ikigünlük sammitdə iştirak edib. Bundan əlavə, təşkilata üzv olan ölkələr Suriya dövlətinin ərazi bütövlüyünün qoruyub saxlamağın vacibliyini müzakirə ediblər. Eyni zamanda Suriyadakı rejimi minlərlə dinc insanın ölümündə təqsirkar sayıblar.
