Sabirabadda 3 nəfərin xəsarət alması ilə nəticələnən yol-nəqliyyat hadisəsi baş verib.
Modern.az xəbər verir ki, hadisə rayon mərkəzində pambıq zavodunun qarşısında qeydə alınıb.
“Mercedes” markalı avtomobillə “Mercedes Vita” markalı avtomobilin toqquşması nəticəsində Sabirabad rayon sakinləri - 1961-ci il təvəllüdlü Umudov Rafiq Hüseyn oğlu, 1989-cu il təvəllüdlü Bağırova Nərminə Rafiq qızı və 2000-ci il təvəllüdlü Quliyev Xəyal Vidadi oğlu müxtəlif dərəcəli xəsarətlərlə Şirvan şəhər Mərkəzi Xəstəxanasına yerləşdiriliblər.
Faktla bağlı araşdırma aparılır.
