Ermənistan parlamentinin deputatı, parlamentdə “Çiçəklənən Ermənistan” fraksiyasının katibi Arman Abovyan ölkə hakimiyyətini sərt tənqid edib.
Modern.az Ermənistan KİV-nə istinadən xəbər verir ki, Abovyan Qarabağ müharibəsindən sonra yaranmış yeni situasiyada Ermənistanın proseslərin subyekli deyil, obyektinə çevrildiyini deyib.
“Yeni yaranmış situaisyada region ölkələri mövqelərini format edir. Bəs Ermənistanın bu gedişatda yeri hardadır? Ermənistan sanki yoxdur, ondan heç kim heç nə soruşmur, yaxud müzakirə etməyi lazım bilmir. Ermənistan heç kimdir!”.
Deputat yalnız Rusiyanın Ermənistanın maraqlarını qoruduğunu söyləyib.
“Hakim partiyadan anti-rus təbliğat eşitmək açığı gülməlidir. İnsanlar sadə həqiqəti anlamalıdır – regionda məsələləri ya Türkiyə ya da Rusiya həll edəcək. Başqa yol yoxdur və olmayacaq”.
