Deputat Azər Badamov dağlıq ərazilərdə yaşayan əhali üçün qaz limitini artırmağı təklif edib.
Modern.az-ın xəbərinə görə, o qeyd edib ki, dağlıq rayonlarda 7 ay hava soyuq və şaxtalı keçir:
“Orada evlərin isidilməsi daha uzun müddət tələb edir. Hava soyuq olduğundan daha çox yanacaq istifadə edilir. Onlar ilin yarısını bu çətinliklə yaşayır. Güzəştli qaz limiti məsələsində bütün əhaliyə, regionlara eyni yanaşma tətbiq edilib. Bu halda əhali qaz olduğu halda digər alternativ yol axtarırlar. “Azəriqaz”ın məlumatına görə, ölkə əhalisinin 15 faizi qaz limitini aşır. Dağlıq sahədə yaşayanlar da burada 10 faiz təşkil edir. Tarif Şurasından dağlıq regionlarda yaşayan əhali üçün qaz limitini artırmağı xahiş edirəm”.
