Ermənistan silahlı qüvvələrinin Azərbaycanın dinc əhalisinə vurduğu ziyana görə ödənilən yardımın verilməsi ilkin siyahı üzrə başa çatdırılıb.
Bunu Modern.az-ın sorğusuna cavab olaraq, Nazirlər Kabinetinin (NK) mətbuat xidmətinin rəhbəri İbrahim Məmmədov bildirib.
Hökumət rəsmisinin sözlərinə görə, indiyə qədər ilkin siyahı üzrə - 5 914 ailəyə ilkin yardım verilib:
"Bu siyahıdan yalnız xaricdə olanlar və sənədləri düzəliş prosesində olan vətəndaşlar qalıb".
İ.Məmmədov deyib ki, əlavə texniki baxışın və müraciətlərin araşdırılması nəticəsində daha 5 mindən artıq ailəyə də ilkin yardım verilməsi nəzərdə tutulur.
