Avropa Komissiyası “Brexit” şərtlərini yerinə yetirməməsinə görə Böyük Britaniya barəsində hüquqi tədbirə başlayıb.
Modern.az “Reuters”ə istinadən xəbər verir ki, bu tədbir rəsmi Londonun Şimali İrlandiya ticarət düzənini birtərəfli şəkildə dəyişdirməsilə bağlı tətbiq olunur.
Avropa Komissiyasının qurumlararası əlaqələr üzrə vitse-prezidenti Maroş Şevçoviç də britaniyalı həmkarı David Frosta həmin addımdan daşınmaları üçün məktub göndərib.
Bu ay Böyük Britaniya hökuməti Şimali İrlandiyaya ərzaq idxalına dair bəzi nəzarət tədbirlərində güzəşt müddətini birtərəfli olaraq martın sonundan oktyabrın 1-dək uzatmışdı.
“Avropa Komissiyası protokolun İrlandiyaya və Şimali İrlandiyaya dair əsas müddəalarını pozduğuna görə Birləşmiş Krallığa rəsmi bildiriş göndərib”, - komissiyanın açıqlamasında bildirilir.
Həmçinin Böyük Britaniyanın dürüstlük öhdəliyini də pozduğu qeyd olunur.
