Suraxanı Rayon Polis İdarəsinin (RPİ) 32-ci Polis Bölməsinin (PB) əməkdaşlarının həyata keçirdikləri əməliyyat nəticəsində rayon ərazisində yerləşən ərzaq mağazalarından birindən oğurluq etməkdə şübhəli bilinən Samir İsmayılov saxlanılıb.
Daxili İşlər Nazirliyindən (DİN) Modern.az-a verilən məlumata görə, araşdırma zamanı həmin şəxsin Gürcüstan Respublikasında müxtəlif cinayətlər etməkdə şübhəli bilindiyi üçün həmin ölkənin hüquq-mühafizə orqanları tərəfindən axtarışda olduğu müəyyənləşib.
Qeyd edilən faktlarla bağlı S.İsmayılov barəsində araşdırmalar davam etdirilir.
