Milli Məclisin deputatı Nigar Arpadarai Bakı Nəqliyyat Agentliyinə təşəkkür edib.
Modern.az xəbər verir ki, bu barədə deputat facebook səhifəsində yazıb.
Onun sözlərinə görə, bir müddət əvvəl İzzət Nəbiyev 26 ünvanının sakinləri həmin ünvanda dayanacağın qoyulması xahişi ilə müraciət edib:
"Müraciəti BNA-a yönləndirdik və çox tez bir zamanda onun həll olunduğunu gördük. Çevik reaksiyaya, konstruktiv əməkdaşlığa və sakinlərin müraciətini cavabsız qoymadığına görə öz adımdan və həmin ünvanda yaşayan seçicilərim adından BNA rəhbərliyinə və kollektivinə təşəkkürümü bildirirəm və əminəm ki, gələcəkdə də vətəndaşların müraciətləri diqqət mərkəzində saxlanılacaq".
