Şəhid ailələrini, müharibə veteranlarını, xüsusi qayğıya ehtiyacı olan insanları daim diqqətdə saxlayan YAP Gəncə şəhər təşkilatının əməkdaşları partiya fəalları ilə tez-tez görüşür, onların qayğıları, problemləri ilə maraqlanırlar.
Ənənəyə sadiq qalan YAP Gəncə şəhər təşkilatı Aparatının əməkdaşları Novruz bayramı ərəfəsində partiya veteranlarını evlərində ziyarət edib, bayramlarını təbrik edib, onlara bayram sovqatı təqdim ediblər.
Səmimi keçən görüş zamanı Yeni Azərbaycan Partiyasının sədri İlham Əliyevin VII qurultaydakı çıxışından irəli gələn vəzifələrdən bəhs edilib, bu vəzifələrin layiqincə icra edilməsində yeni yaradılan Veteranlar Şurasının üzvlərinin üzərinə böyük məsuliyyət düşdüyünə diqqət çəkilib. Xüsusi ilə Veteranlar Şurasının yaradılmasının yaşlı nəsil ilə gənclər arasında əlaqələrin gücləndirilməsinə mühüm töhfə olduğu vurğulanıb.
Veteranlar partiyanın yaranması ilə bağlı xatirələrini bölüşüb, ölkəmizin inkişafında, dövlətimizin güclənməsində, xalqımızın firavanlığına qovuşmasında Yeni Azərbaycan Partiyasının misilsiz xidmətlərindən danışıblar.
“Bu gün ölkə Prezidenti İlham Əliyevin rəhbərliyi ilə partiyamızın yeni-yeni uğurlar qazandığını görmək qürur və iftixardır”-deyə partiya veteranları bildiriblər
