Milli Məclisin deputat Naqif Həmzəyev Azərbaycanın şanlı tarixinə çevrilən Vətən müharibəsi qazilərindən olan Bayram Kərimov və Həsən Qasımovla görüşüb.
Ali Baş Komandan İlham Əliyevin rəhbərliyi ilə Müzəffər Ordumuzun qazandığı Zəfərdən danışan millət vəkili Naqif Həmzəyev ərazi bütövlüyümüzün bərpasını təmin edən 44 günlük Vətən savaşının qəhrəmanlarının, şəhid və qazi ailələrinin sosial rifah halının yaxşılaşdırılması dövlətinmizin diqqət mərkəzində saxlandığını qeyd edib.
Səmimi keçən söhbət zamanı qazilər keçdikləri döyüş yolundan söz açıb, xatirələrini bölüşüblər.
Görüşdə həmçinin qazilərin müalicəsi, əllillik dərəcəsinin verilməsi ilə bağlı məsələlər də müzakirə edilib.
Qeyd edək ki, sentyabırın 28-dən torpaqlarımızın azğın düşməndən azadlığı uğrunda gedən mübarizəyə qoşulan 25 yaşlı Həsən Qasımov ilk günlərdən döyüş meydanında böyük qəhrəmanlıq, şücaət göstərib. Düşmənin xeyli sayda canlı qüvvəsini, texnikasını məhv edən Həsən döyüşlərin birində sinəsindən yaralanır. O, yaralı olmasına baxmayaraq iki gün döyüş meydanını tərk etmir, döyüş yoldaşları ilə birgə düşmənə ağır zərbələr endirir.
Şuşada yaralandıb, 2 gün yaralı qalıb,huşsuz vəziyyətdə düşmənə əsir düşən Bayram Kərimov dəhşətli işgəncələrə məruz qalıb. Əsirlikdə olduğu müddəti xatırlamaq istəməyən Bayram Kərimov əsirlikdən, o dəhşətlərdən xilas olduğu üçün Prezidentimiz, Ali Baş Komandan İlham Əliyevə və birinci xanım Mehriban Əliyevaya minnətdar olduğunu bildirib.
