"Son 5 ildə Bakı şəhərinə 715 ədəd sıxılmış təbii qazla işləyən nəqliyyat vasitələri gətirilib".
Modern.az xəbər verir ki, Bakı Nəqliyyat Agentliyinin (BNA) İdarə heyətinin sədri Vüsal Kərimli deyib.
V.Kərimli qeyd edib ki, qanunvericiliyə edilən dəyişikliyə əsasən, Bakı şəhərinə 2022-ci ildən dizellə işləyən ictimai nəqliyyat vasitələri gətirilməyəcək:
"Qanunvericilikdə 2022-ci ildən etibarən Bakı şəhərində istifadə olunacaq ictimai nəqliyyat üçün nəqliyyat vasitələrinin, xüsusilə avtobusların dizel və yaxud benzinlə deyil, məhz sıxılmış təbii qaz və ya alternativ enerji mənbələrindən təmin olunması qeyd edilib. Hazırda 2100 avtobusdan 715-i sıxılmış qazla işləyir".
BNA rəsmisinin sözlərinə görə, benzin və dizel yanacağı ilə işləyən avtobuslarla müqayisədə sıxılmış qazla işləyən avtobuslarda ətraf mühitə atılan ağır metallar arasında 30-35 faiz fərq var.
