Tanınmış yazıçı Çingiz Abdullayev “Şəhid anası” fəxri döş nişanının təsis edilməsi haqqında təklif irəli sürüb. Bu cür addımın atılmasının hansı üstünlükləri ola bilər?
“Zəfər” Şəhid Ailələrinə Dəstək İctimai Birliyinin rəhbəri, “YAŞAT” Fondunun Himayəçilik Şurasının üzvü, Sevinc Orucova mövzu ilə bağlı fikirlərini Modern.az-la bölüşüb.
O bildirib ki, Çingiz Abdullayev “YAŞAT” Fondunun himayəçilər şurasının iclasında bu haqda yenidən çıxış edib, fikirlərini bildirdi.
Çingiz Abdullayev dəyərli ziyalımızdır, onun fikirləri bizim üçün, cəmiyyətimiz üçün bir tezisdir, göstərişdir:
“Mən iclasda da fikrimi bildirdim, yenə də demək istəyirəm ki, Şəhid anası olmaq, zirvəlikdə yetişən oğul böyütmək özü bir fəxarətdir.
Şəhid anasına orden taxmaqla, sayğı, hörmət tələb etməyin normal hal olduğunu düşünmürəm. Cəmiyyətimizin hər bir üzvü Şəhid analarının qarşısında nə qədər borclu olduğunu, mənəvi cəhətdən bu yükün ağırlığını, hiss etməlidir. “Şəhid anası” ordeni olsun və ya olmasın bu ölkədə yaşayan hər kəsin borcudur ki, Şəhid anasına hörmət etsin, sayğı duysun. Şəhid anasını tanıtmaq üçün hansısa nişana ehtiyac yoxdur”.
Mehri QURBAN
