Alabama ştatının Kalxun bölgəsində tornado nəticəsində ən azı beş nəfər ölüb.
Modern.az xarici KİV-ə istinadən xəbər verir ki, ştatın 20 mindən çox sakini gecə işıqsız qalıb. Ştatın ən böyük şəhəriBirmingemdə 30-50 bina dağılıb.
Yerli hakimiyyət orqanları, xilasetmə və təcili yardım xidmətləri zərərin qiymətləndirilməsinə və qurbanların axtarılmasına davam edir. Daha əvvəl ABŞ Milli meteoroloji xidmətinin ixtisaslaşmış şöbəsi Alabama, Mississippi və Tennessi ştatlarında tornado təhlükəsi barədə xəbərdarlıq edib.
