Sabirabad rayonunda sel və daşqınlardan əziyyət çəkmiş sakinlər Bakıya yürüşə hazırlaşır. Rayonun Yuxarı Axtaçı, Mürsəlli və Ulacalı yaşayış məntəqələrində hələ də acınacaqlı vəziyyət hökm sürür. Bu barədə rayon sakinləri mətbuatda fikirlər səsləndiriblər.
Modern.az-a açıqlamasında Sabirabaddan seçilən deputat Rüstəm Xəlilov yürüş barədə söz-söhbətlərin əsassız olduğunu deyib: “Yalandır. Mətbuatda çox söz deyilə bilər. Sabirabadlıların Bakıya gələcəyi, hansısa bir dövlət qurumuna müraciət etmək haqqında fikirləri yoxdur. Sadəcə, müəyyən insanlar, dairələr var ki, belə söhbətlərin yaranmasına maraqlıdırlar. Sel fəlakətindən əziyyət çəkən hər bir sakinə kompensasiya ödənilir, evlər də tikilir, demək olar ki, rayonda tikinti işləri bitmək üzrədir.
