Modern.az

“Ay-ulduzlar” Norveçi də məğlub etdi

“Ay-ulduzlar” Norveçi də məğlub etdi

27 Mart 2021, 23:29

Futbol üzrə 2022-ci dünya çempionatının təsnifat mərhələsində II tura start verilib.

 

Modern.az xəbər verir ki, turun maraq doğuran görüşü “La Rosaleda” stadionunda baş tutub. Türkiyə millisi səfərdə Norveç seçməsi ilə qarşılaşıb. Görüş “ay-ulduzlar”ın inamlı qələbəsi ilə başa çatıb - 3:0. Türkiyə seçməsinin heyətində Ozan Tufan (2) və Çağlar Söyüçü fərqlənib.

 

Bu qələbə sayəsində xal ehtiyatını altı xala çatdıran Türkiyə G qrupunda liderliyə yüksəlib. Norveç isə 3 xalla dördüncü yerdə qərarlaşıb.

 

Bu qrupun digər görüşündə Niderland öz meydanında Latviya yığmasını məğlub edib - 2:0.

 

Günün ilk iki matçında qarşılıqlı qollar qeydə alınıb. H qrupunda Rusiya Sloveniyanı qəbul edib. Qarşılaşma şimal qonşumuzun 2:1 hesablı qələbəsi ilə bitib. Rusiyanın heyətində Artyom Dzyuba 26 və 35-ci dəqiqələrdə fərqlənib. Yosip İliçiç 36-cı dəqiqədə fərqi azaldıb. Meydan sahibləri qələbə sayəsində 6-cı xalını qazanıb. Sloveniyanın isə 3 xalı var.

 

G qrupunda isə Monteneqro evdə Cəbəllütariqi məğlubiyyətə uğradıb - 4:1. Meydan sahibləri 6-cı xalını qazanıbsa da, qonaqların xalı yoxdur.

Whatsapp
Bizə yazın!
Keçid et
Rusiyadan hücum - Bu dəfə Türkiyəni vurdular