Azərbaycan Ordusunun əsgəri şəhid olub. Modern.az-ın APA-ya istinadən verdiyi məlumata görə, Müdafiə Nazirliyinin Naxçıvanda yerləşən “N” saylı hərbi hissədə qulluq edən, 1993-cü il təvəllüdlü əsgər Cəfərov Rəbbi Elsevər oğlu iyul ayının 13-də düşmən snayperindən açılan atəş nəticəsində başından ağır yaralanmış və Silahlı Qüvvələrin Baş Kliniki Hospitalına yerləşdirilmişdi.
Aparılan intensiv müalicəyə baxmayaraq, yaralının həyatını xilas etmək mümkün olmayıb və o, dünən saat 21.20-də şəhid olub.
Modern.az
