“Bu ilin birinci rübündə orta illik inflyasiya 2,2 % olub”.
Modern.az-ın məlumatına görə, bunu Azərbaycan Mərkəzi Bankının (AMB) sədri Elman Rüstəmov mətbuat konfransında bildirib.
Onun sözlərinə görə, proqnoz horizontu bir qədər dəyişib:
“Buna baxmayaraq, martda illik inflyasiya 4,1% təşkil edib və inflyasiyanı hədəf diapozonundan kənarləşdıraca biləcək amillər müşahidə edilmir”.
AMB sədri qeyd edib ki, ümumilikdə ölkədə inflyasiyanın 2021-ci ildə hədəf diapozonunda qalacaq:
“Apreldə yenilənmiş proqnozlara görə, inflyasiyanın 2021-ci ilin sonuna elan olunmuş hədəf diapazonunda formalaşacağı gözlənilir. Neft qiymətləri 62 ABŞ dolları üstələyib və beynəlxalq maliyyə institutlarının da proqnozuna görə, cari səviyyədə qalacaq”.
