Aprelin 30-da 2006-cı il təvəllüdlü Şabanov Əli Mahir oğlunun ölümü ilə bağlı cinayət işi açılıb.
Baş Pokurorluqdan Modern.az-a verilən məlumata görə, paytaxtın Səbail rayonu ərazisində binanın fasadından daş parçasının düşməsi nəticəsində mayın 5-də onun müalicə aldığı Respublika Neyrocərrahiyyə Xəstəxanasında vəfat etməsi faktı ilə bağlı Səbail rayon prokurorluğunda Cinayət Məcəlləsinin 314.2-ci (səhlənkarlıq ehtiyatsızlıqdan zərərçəkmiş şəxsin ölümünə və digər ağır nəticələrə səbəb olduqda) maddəsi ilə cinayət işi başlanıb.
Fakt üzrə araşdırmalar davam etdirilir.
