Vəkil: "Azərbaycan Beynəlxalq Universitetinin binası hazırda da Elşad Abdullayevin şəxsi mülkiyyətdir”.
Bu barədə Modern. az saytına fəaliyyəti dayandırılmış ABU-nun eks-rektoru Elşad Abdullayevin vəkili Adil İsmayılov bildirib:
“ABU-nun binası Elşad Abdullayevin özünə məxsusdur. Elşad Abdullayevin həmin binadakı ofisində axtarış aparılır. Bütün sənədlərə baxılır. Amma özləri heç bir sənəd göstərmədən bu axtarışı aparırlar”-deyə vəkil qeyd edib.
Qeyd edək ki, deputat Gülər Əhmədova ilə bağlı rüşvət qalmaqalını əks etdirən vidoçəkiliş 2010-cu ildə Təhsil Nazirliyi tərəfindən lisenziyası ləğv edilərək qapadılan Azərbaycan Beynəlxalq Universitetini yenidən gündəmə gətirib.
Baş Prokuror Zakir Qaralov KİV-ə açıqlamasında ABU-nun tədris binasındna axtarış aparıldığnı təsdiqləyib
Əməkdaşımız ABU-nun ərazisinə baş çəkib. Darvazaları qıfıllı olan ərazidə mühafizə işlərinə baxan şəxs prokurorluq işçilərinin içəridə olduğunu və binaya kənar şəxslərin buraxılmadığını deyib.
Nihadə Eyyubova
FOTO: Elçin Ağayev
