NİDA Vətəndaş Hərəkatının İdarə Heyətinin üzvü Zaur Qurbanlı bugün səhər saatlarında azadlığa buraxılıb. Bu barədə Modern.az-a gənc fəalın yaxınları məlumat veriblər.
Qeyd edək ki, N!DA Vətəndaş Hərəkatının İdarə Heyətinin üzvü Zaur Qurbanlı sentyabrın 29-da həbs edilmişdi. Z.Qurbanlı Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsində saxlanılırdı. Nazirliyin yaydığı rəsmi məlumatda bildirilirdi ki, gənc fəal narkotik vasitələrin qanunsuz dövriyyəsi ilə bağlı daxil olan əməliyyat məlumatı əsasında saxlanılarkən polis əməkdaşlarına müqavimət göstərib. Bundan sonra Abşeron Rayon Məhkəməsi onun barəsində 15 gün müddətinə inzibati həbs qərarı çıxarıb.Modern.az
