Hüquq müdafiə Təşkilatları Monitorinq Qrupu müxalifyönlü gənclərin 20 oktyabr aksiyasında həbs olunanların azadlığa buraxılması üçün Prezident İlham Əliyevə müraciət edib. Modern.az-ın məlumatına görə, müraciətdə deyilir:
- Hörmətli cənab Prezident!
Hüquq müdafiə Təşkilatları Monitorinq Qrupu Sizə müraciət edərək müsəlman dünyasının müqəddəs Qurban Bayramı ərəfəsində humanistlik göstərərək 20 oktyabr 2012-ci ildə gənclərin keçirməyə cəhd etdikləri aksiyada həbs olunan 12 nəfər gəncin azadlığa buraxılmasını xahiş edir.
Hüquq müdafiə Təşkilatları Monitorinq Qrupunun üzvləri:
Novella Cəfərova – D.Əliyeva adına Qadın Hüquqları Müdafiə Cəmiyyətinin sədri
Səidə Qocamanlı – İnsan Hüquqları və Qanunçuluğun Müdafiəsi Bürosunun rəhbəri
Səadət Bənənyarlı – Beynəlxalq İnsan Hüquqları Müdafiə Təşkilatının Azərbaycan bölməsinin sədri
