2021-ci ilin yanvar-iyun aylarında dövlət büdcəsinin ümumi dövlət xidmətləri ilə bağlı xərcləri 2020-ci ilin müvafiq dövrü ilə müqayisədə 4,4 faiz və ya 78,3 milyon manat azalaraq 1 milyard 694,5 milyon manat icra edilib.
Modern.az Maliyyə Nazirliyinə istinadla xəbər verir ki, ümumi dövlət xidmətləri ilə bağlı xərclər 1 milyard 776,7 milyon manat proqnoza qarşı 95,4 faiz və ya 82,2 milyon manat kəsrlə icra edilərək illik proqnozun 40,7 faizini təşkil edib.
Cari ilin yanvar-iyun aylarında ümumi dövlət xidmətləri ilə bağlı xərclər ötən ilin müvafiq dövrü ilə müqayisədə aprel və may aylarında çox, digər aylarda az icra edilib.
