Suriya ordusunun keçmiş generalı Zubeydə Əl-Məəki Suriya ordusundan ayrılmağını ictimaiyyətə elan edən ilk qadın general olub. Modern.az “Əl-Cəzirə”yə istinadən bildirir ki, Zübeydə Əl-Məəki Suriya rejimi tərəfindən həyata keçirilən özünün “cinayət və vəhşiliklər” adlandlırdığı hərəkətləri gördükdən sonra ordudan ayrılmaq qərarına gəlib.
Ələvi mənşəli Əl-Məəki ordunun Bibiladakı diviziyasında fəaliyyət göstərib. Əl-Məəki Suriya ordusundan ayrılıb Azad Suriya Ordusuna qoşulmağı keçən ildən planladığını deyir. “Onlar mənim ordudan ayrıla biləcəyimdən şübhələndikdə, bizim evə hücum edib, evin qapısını qırdılar. 2012-ci ilin əvvələrində isə qardaşımı sağlamlıq adminstrasiyasındakı dövlət işindən qovdular.” Zübeydə deyib.
Ancaq Azad Suriya Ordusu Bibilanın əsas hisəsini ələ keçirdikdən sonra Əl-Məəki Azad Suriya ordusu tərəfindən ələ keçirilmiş bir nöqtədən Azad Suirya Ordusuna qoşulmaq istəyini bildirib.
ASO-nun Condollah (Allahın əsgərləri) batalyonun bir üzvü əvvəl Zübeydəyə inanmadıqlarını ancaq sorğuladıqdan sonra ona inandıqlarını bildirib.
Türkiyəyə getmədən əvvəl Əl-Məəki Cond Allah batalyonu üçün 40-50 nəfər könüllüyə təlim keçib və onlar hazırda Əsəd ordusuna qarşı döyüşlərdə iştirak edirlər.
Modern.az
