ABŞ Əfqanıstanın şərqindəki Nanqarhar əyalətinə aviazərbələr endirib.
Modern.az “RİA Novosti”yə istinadən xəbər verir ki, bu barədə ABŞ Mərkəzi Komandanlığı məlumat yayıb.
PUA vasitəsilə endirilən zərbələr zamanı İŞİD terror qruplaşmasının üzvü məhv edilib.
“ABŞ Silahlı Qüvvələri İŞİD terrorçusuna qarşı üfüqdən antiterror əməliyyatı həyata keçirib. Pilotsuz uçuş aparatı ilə Nanqarhar əyalətinə hava zərbəsi endirilib. İlkin məlumatlara görə, hədəf məhv edilib. Mülki şəxslər arasında itkilər yoxdur”, - deyə məlumatda qeyd olunub.
