“Azərbaycan da öz hesabatını BMT-nin İşgəncələr əleyhinə Komitəsinə təqdim etməlidir”
Cenevrədə BMT-nin işgəncələrə qarşı Konvensiyasıın icrasına dair iclas keçirilir. Burada Rusiyada daxil olmaqla 9 ölkənin məruzəsi dinlənilir.
“BMT-nin bu tip iclasları 4 ildən bir keçirilir və adətən ölkələrin hesabatları dinlənilir”. Bu sözləri Modern.az-a açıqlamasında İşgəncələr Əleyhinə Azərbaycan Komitəsinin sədri Elçin Behbudov deyib.
“2009-cu ildə keçirilən iclasda Azərbaycan təmsilçiləri də iclasda iştirak edib”. Komitə sədri bildirib ki, 2013-cü ildə Azərbaycan dövləti də öz hesabatını BMT-nin İşgəncələr Əleyhinə Komitəsinə təqdim etməlidir.
“Əlbəttə, mən də oraya dəvətli olacağam. Bizim komitə də Alternativ Hesabatla orada iştirak edəcək”, – deyə komitə sədri vurğulayıb.
Anar Kəlbiyev
