Bu gün Milli İncəsənət Muzeyində Səməd Vurğun adına Azərbaycan Dövlət Akademik Rus Dram Teatrının bir qrup əməkdaşının və bir sıra incəsənət xadiminin mükafatlarının təqdimat mərasimi keçirilib.
Modern.az-ın məlumatına görə, mərasimdə Azərbaycanın Xalq artisti Flora Kərimova “Şərəf” ordeni təqdim olunub.
Qeyd edək ki, Azərbaycan Prezidenti İlham Əliyev Xalq artisti Flora Kərimovanın “Şərəf” ordeni ilə təltif edilməsi haqqında sərəncam imzalayıb.
