““Azadlıq” TV-yə rəhbər keçməyimlə bağlı xəbər dəqiq deyil”. Modern.az-a açıqlamasında bu sözləri media eksperti Zeynal Məmmədli deyib. O bildirib ki, mətbuatın onun haqqında yaydığı xəbər həqiqətdən uzaqdır.
“Mənim işimin adı “Azadlıq Radiosu”nda multimedia üzrə planlaşdırma və yaradıcılıq meneceridir. Yəni veb, audio və video”, – deyə Z.Məmmədli qeyd edib.
Qeyd edək ki, mətbuatda Z.Məmmədlinin “Azadlıq” radiosunun açacağı TV-yə rəhbər keçəcəyi ilə bağlı məlumatlar gedib. Xatırladaq ki, bir müddət öncə Z.Məmmədli öz istəyi ilə Bakı Dövlət Universitetinin Jurnalistika fakültəsində müəllim vəzifəsindən könüllü şəkildə imtina edib.
