Ötən gecə hüquq-mühafizə orqanlarının saxladığı Dini Etiqad və Vicdan Azadlıqlarının Müdafiə Mərkəzinin (DEVAMM) sədri, ilahiyyatçı-filosof Hacı İlqar İbrahimoğlu sərbəst buraxılıb.
Modern.az xəbər verir ki, bu barədə İ.İbrahimoğlu özünün Facebook səhifəsində canlı yayım açaraq bildirib.
Hacı İlqar şahid qismində dindirilmək üçün hüquq-mühafizə orqanlarına dəvət olunduğunu qeyd edib.
“Bir neçə saat ərzində mənə ünvanlanan bütün suallardan sonra sərbəst buraxıldım”.
Məlumatlara görə, Hacı İlqar İbrahimoğlunun İran xüsusi xidmət orqanları ilə əlaqələrinin olub-olmadığını araşdırılır.
