“Sərnişinlər biletləri onlayn vasitəsilə aldığı üçün dəmir yollarında kassirlər ləğv olunur”. Modern.az xəbər verir ki, bunu jurnalistlərə açıqlamasında “Azərbaycan Dəmir Yolları” Qapalı Səhmdar Cəmiyyətinin sədr müavini Qurban Nəzirov deyib. O qeyd edib ki, proqnozlaşdırıldığı kimi əhalinin 30%-i biletlərin elektron satışına üstünlük verib.
“Biz də bu yaxınlarda belə bir qərar qəbul etmişik ki, biletlərin satışı ilə əlaqədar müəyyən rayon mərkəzlərində dəmiryolu kassaları ləğv olunsun. Artıq kassalara ehtiyac yoxdur, çünki hətta rayonlarda da online sistemdən istifadə edilir. Nəticədə kassirlər də ixtisara salınır”.
