Bakıda Yeni İl bayramı ilə bağlı təşkil olunacaq yarmarkaların yerləri açıqlanıb. İqtisadi İnkişaf Nazirliyindən Modern.az-a verilən məlumata görə, bayram yarmarkaları paytaxtda 10 ünvanda təşkil olunacaq. Yarmarkalar 28-31 dekabr tarixlərində İqtisadi İnkişaf Nazirliyi, Kənd Təsərrüfatı Nazirliyi və Bakı Şəhər İcra Hakimiyyəti tərəfindən keçiriləcək.
Bayram yarmarkalarının keçiriləcəyi ünvanlar bunlardır:
Binəqədi rayonu
- Dərnəgül yaşayış sahəsi, 6 saylı peşə Liseyinin həyəti;
Xətai rayonu
-Bakı kinoteatrının yanı;
Nərimanov rayonu
- Əliyar Əliyev küçəsi 26, “Bakı Taxıl” ASC-nin ərazisi;
Nəsimi rayonu
- “Təzə bazar”ın ərazisi; - 3-cü mikrorayon, “Tovuz-Baltiya LTD”nin ərazisi;
Səbail rayonu
- Badamdar qəsəbəsi, 239 nömrəli məktəbin yanı;
Suraxanı rayonu
- Əmircan qəsəbəsi, Səttar Bəhlulzadə küçəsi 2; - Yeni Günəşli qəsəbəsi, “Günəş” ticarət mərkəzinin yanı;
Yasamal rayonu -
Şərifzadə küçəsi 131, Bakı Dövlət Rabitə və Nəqliyyat kollecinin yanı.
Modern.az
