Moldovanın keçmiş prezidenti İqor Dodon 12 milyon dollar oğurluqda şübhəli şəxs kimi tanınıb.
Modern.az xəbər verir ki, bu barədə onun özü məlumat yayıb.
O, Baş Prokurorluqda dindirildiyini bildirib. Söhbət 2008-ci ildə elektrik enerjisinin idxalında yol verilən qanunsuzluqlarla bağlı cinayət işindən gedir.
“Onlar mənə işin bir hissəsini göstərdilər, dedilər ki, mən təqsirləndirilən deyil, şübhəli şəxsəm”, - İqor Dodon prokurorluqdan çıxışda dindirildikdən sonra deyib.
İqor Dodon 2016-2020-ci illərdə Moldovanın prezidenti olub. 2020-ci ildə prezident seçkilərinin ikinci turunda 42,28% səslə Maia Sanduya uduzub.
Akif İsmayılov
