Bu gün Quba rayon Məhkəməsində 1 mart hadisələrində təqsirləndirilən 7 nəfərin işi ilə bağlı iclas keçirilib. Modern.az-ın məlumatına görə, Füzuli Pənahovun sədrliyi ilə iclasda prokuror Soltanməhəmməd İsmayılov təqsirləndirilən şəxlərə azadlıqdan məhrumetmə cəzası tələb edib.
İclasda həmçinin təqsirləndirilən şəxslər Səfər Qəribov, Zimistan Əmiraslanov, Akif Əliyev, Telman Dadaşov, Samir Abdullayev, Məmmədhəsən Əkbərovun hər birinə 5 il müddətinə azadlıqdan məhrumetmə cəzasl istənilib. Habil Əliyevə isə 5 il 6 ay müddətinə azadlıqdan məhrumetmə cəzası istənilməklə yanaşı, əvvəllər barəsində çıxarılmış qərara əsasən ödənilməmiş qalmş 200 manat cərimənin ödənilməsi də tələb olunub.
Prokuror Soltanməhəmməd İsmayılov cəzanın ümumi rejimli cəzaçəkmə müəssisəsində çəkilməsini tələb edərəkən göz yaşlarına hakim ola bilməyərək ağlayıb.
Modern.az
