Seçki dairələri və məntəqə seçki komisiyalarının formalaşdırılması başa çatıb.
Modern.az-ın məlumatına görə, bunu Mərkəzi Seçki Komissiyasının (MSK) sədri Məzahir Pənahov jurnalistlərə açıqlamasında deyib.
“Seçki komissiyaları həmişə seçkilərə hazır olmalıdır. İndi biz o mərhələdəyik, heç bir problem yoxdur”, - deyə M.Pənahov vurğulayıb.
Parlamentdə boş qalan deputat yerlərinə təkrar seçkilərlə bağlı sualı cavablandıran Məzahir Pənahov jurnalistlərə təmkinli olmağı məsləhət görüb:
"Niyə narahat olursuz? Seçki elan olunanda eşidəcəksiniz. Ondan sonra bir yerdə işləyəcəyik".
