İstanbulda əlverişsiz hava şəraiti (güclü qar) səbəbindən AZAL-ın İstanbul-Bakı reysi gecikir.
Modern.az xəbər verir ki, bu barədə AZAL məlumat yayıb.
Hazırda reysin sərnişinləri sərnişin terminalının daxilindədir, qida və alkoqolsuz içki ilə təmin olunacaqlar.
İstanbul hava limanının icazəsi olan kimi təyyarə İstanbuldan yola düşəcək.
***
İstanbulda yağan güclü qar səbəbindən Bakı-İstanbul-Bakı (J2 077/078) axşam reysi ləğv edilib.
Bu barədə Modern.az-a AZAL-dan məlumat verilib.
Ləğv edilmiş reysin sərnişinləri sabah səhər reysinin (J2 075/076) sərnişinləri ilə birlikdə geniş füzelyajlı təyyarə ilə yola düşəcəklər.
Qeyd edək ki, qarın yağması səbəbindən İstanbul hava limanı istiqamətində nəqliyyatın hərəkəti ciddi şəkildə çətinləşib.
