Modern.az saytı Sevinc Babayevanın ölümündən sonra onunla bağlı daha bir müəmmalı xəbər əldə edib. Belə ki, saytımıza verilən məlumata görə, təqdim etdiyimiz bu şəkil “Xural” qəzetinin baş redaktoru Əvəz Zeynallının məhkəməsində çəkilib. Şevinc Babayeva həmin məhkəməyə çox güman ki, şahid kimi qatılıb. Bu məhkəmə Elşad Abdullayevin məlum videonu yaymasından cəmi bir ay öncə baş tutub. Bu, eks-deputat Gülər Əhmədovanın və onun yaxınlarının iştirakı ilə keçirilən sonuncu məhkəmə olub. Sonrakı proseslər əvvəlcə müxtəlif səbəblərdən təxirə düşüb və ardınca isə Gülər Əhmədovanın iştirakı olmadan keçirilib.
Maraqlıdır, Sevinc Babayevanın adı Əvəz Zeynallı işində keçirmi? O bu məhkəməyə şahid qismində qatılıb, yoxsa sadəcə Gülər Əhmədovanın rəfiqəsi kimi..?
Modern.az
