“ABŞ-ın hazırkı administrasiyası bir il ərzində ölkəni dağıtdı”.
Modern.az xəbər verir ki, bu barədə Birləşmiş Ştatların sabiq prezidenti Donald Tramp bildirib.
“Çox şeylər sadəcə dəhşətlidir”,- deyən Trampın fikrincə, hazırkı inflyasiya enerji sahəsində aparılmış səhv siyasətin nəticəsidir.
“Biz enerjidən asılı dövlət deyildik. İndi isə OPEK-ə, Rusiyaya, başqa oyunçulara müraciət edirik. Bu, bizim ölkəmiz üçün ağır vəziyyətdir”, - keçmiş prezident deyib.
Qeyd edək ki, D.Tramp 2020-ci il seçkilərində Baydenə məğlub olaraq, prezidentlik postundan uzaqlaşıb.
