Ukrayna ABŞ-dan 86 ton ağırlığında daha bir hərbi yardım alıb.
Modern.az xəbər verir ki, bu barədə Ukraynanın müdafiə naziri Aleksiy Reznikov məlumat verib.
Onun sözlərinə görə, 2022-ci ildə Vaşinqton Kiyevə 650 tondan çox hərbi texnika tədarük edib.
Nazir yardımın davam edəcəyini bildirib.
Yanvarda ABŞ Ukraynaya əlavə 200 milyon dollar hərbi yardım ayırdığını elan edib, həmçinin Baltikyanı ölkələrin Ukraynaya "Javelin" raket sistemləri verməsinə icazə verib.
Akif İsmayılov
