Qusar rayonunda 5 nəfər dəm qazından boğularaq ölüb.
Qusar rayon İcra Hakimiyyətinin İnformasiya təminatı və təhlili sektorunun müdiri İlham Xəlilov Modern.az-a bildirib ki, hadisə şəhər ərazisində qeydə alınıb.
Onun sözlərinə görə, faciə şəhərdəki evlərdən birində baş verib:
"Evdən beş nəfərin meyiti tapılıb. Hazırda hadisə yerinə hüquq-mühafizə oraqlanlarının əməkdaşları cəlb olunub. İlkin ehtimala görə, onlar dəm qazından boğularaq ölüb".
