Səudiyyə Ərəbistanında 30 qadın qatar sürücüsü olaraq işə götürülüb.
Modern.az xarici mətbuata istinadən xəbər verir ki, işə götürən dəmir yolu şirkəti indiyə kimi 28,000 müraciət qəbul edib.
Uğur qazanan namizədlər bir illik təlimdən sonra müqəddəs Məkkə və Mədinə şəhərləri arasında sürət qatarlarını idarə edəcəklər. Mühafizəkar müsəlman krallığında ilk dəfədir ki, qadınlar üçün belə imkanlar yaradılır. Onilliklər ərzində Səudiyyə Ərəbistanı dünyanın ən aşağı qadın işçi qüvvəsi nisbətinə malikdir.
Lakin son illərdə hökumət vəliəhd şahzadə Məhəmməd bin Salman neftdən asılı iqtisadiyyatı diversifikasiya etmək planının bir hissəsi olaraq işləyən qadınların sayını artırmaq üçün səylər göstərir.
Xatırladaq ki, o, həmçinin qadınların avtomobil idarə etməsi qadağasına son qoyulması və onların sərbəst səyahət etməsinə icazə vermək, kişilərin qəyyumluğu qanunlarının yüngülləşdirilməsi də daxil olmaqla bir sıra sosial islahatlara təkan verib.
Turqay Musayev
